“Tor” anonim şəbəkəsində naməlum şəxslərin ABŞ prezidenti seçilmiş Donald Tramp və vitse-prezident Mayk Pensin öldürülməsi üçün vəsait topladığı sayt aşkarlanıb. “Yeniavaz.com”un xarici mətbuata istinadən verdiyi məlumata görə, saytın anonim administratoru özünü gizli təşkilatın üzvü adlandırır. Təşkilat uzun illərdir kiber məkanda avtoritar rejimlərə qarşı mübarizə aparıb. O iddia edir ki, D. Tramp və M. Pens azad dünya üçün təhlükə törədirlər. Saytın administratorları artıq 88 min dollar toplayıblar.
