Çinin China Eastern Airlines aviakompaniyasının stüardessası təyyarə havada ikən sərnişinlərdən birindən evlənmək barədə təklif alıb. Medianfo.az-ın Rusiya mətbuatına istinadən verdiyi xəbərə görə, stüradessanın qarşısında diz çökən sərnişin ona ərə gəlməsini və həyatını onsuz təsəvvür edə bilmədiyini söyləyib. Bu hadisə təyyarədə olanlar tərəfindən videolentə alınaraq sosial şəbəkələrdə paylanılıb. Bundan xəbər tutan aviakompaniyanın rəhbərliyi stüardessanı işdən azad edib. Buna səbəb kimi isə rəhbərlik stüardessanın bu hərəkətinin təyyarənin təhlükəsizliyini təhlükə altında qoya bilməsi göstərilib.
