Rusiyanın Müdafiə naziri, əslən Tuva türkü olan Sergey Şoyqu Polşanı növbəti dəfə hədələyib.
Mediainfo.az-ın Rusiya mətbuatına istinadən verdiyi məlumata görə, Şoyqu deyib ki, Polşa öz ərazisində ABŞ hərbi hissələrini yerləşdirəcəyi təqdirdə Rusiya buna qarşı cavab tədbirləri həyata keçirəcək. Onun sözlərinə görə, Polşa ərazisində yerləşdiriləcək ABŞ hərbi hissələrindən gələn təhlükəyə qarşı Rusiya ən müasir silahlardan və hərbi-texniki imkanlardan istifadə edəcək. Şoyqu eyni zamanda bildirib ki, bütün hallarda Rusiya Qərblə qarşıdurmaya getmək istəmir. Halbuki Qərblə münasibətlərin gərginləşməsinə səbəb Rusiyanın Krımı işğal etməsi olub.
