“Galatasaray” futbol klubunun keçmiş oyunçusu Emmanuel Ebue intihar edib.
“Ölkə.Az” xəbər verir ki, futbolçu yaşadığı evdə özünü asıb. Klubla yollarını ayırdıqdan sonra arvadından boşanan və maddi sıxıntılarına görə depressiyaya düşən futbolçu canına qıyıb.
“Arsenal” klubundan “Galatasaray”a transfer edilən Emmanuel qısa müddət ərzində tamaşaçı rəğbəti qazanmışdı. 35 yaşlı futbolçu keçən ay açıqlama vermişdi:
“İntihar etmək istəyirəm. Tanrıdan bu fikirdən daşınmaq üçün yardım istəyirəm. Türkiyədə 8 milyon avro qazandım, amma bunun hamısını evə göndərdim. Maddi vəziyyətim çox pisdir. Əvvəllər işlədiyim klublar iş versə, qəbul edərəm. Elə bir təkliflərə də ehtiyac yoxdur. Məsələn, gənclərə kömək edə bilərəm. Evdə olanda çox qorxuram. Polis hər an qapıma gələ bilər. Ümid edirəm Tanrı mənə kömək edər”.
