Ermənistanın Baş naziri Nikol Paşinyan Koçaryandan gələn təhlükəni aradan qaldırmaq və onun yenidən hakimiyyətə gəlməsinin qarşısını almaq üçün tədbirlər həyata keçirməyə başlayıb.
Mediainfo.az-ın Ermənistan mətbuatına istinadən verdiyi xəbərə görə, Paşinyanın göstərişi ilə Ermənistan Milli Təhlükəsizlik Nazirliyi Koçaryana məxsus obyektlərdə, o cümlədən onun evində axtarışlara başlayıb. Bundan məqsəd Koçaryanın əmlakını qeydə almaq və onun milyonları hansı yollarla qazandığına aydınlıq gətirməkdir. Erməni ekspertlər bunun arxasında Paşinyanın Koçaryani korrupsiyada, dövlət əmlakını çapıb talamaqda günahlandıraraq həbs etdirmək niyyətinin dayandığını qeyd edirlər.
