Pakistanın Pencab əyalətində xəstəxanada partlayış baş verib.

APA-nın RİA Novosti agentliyinə istinadən verdiyi xəbərə görə, insident Attok şəhərində qeydə alınıb.

İlkin məlumata əsasən, xəstəxanada qaz balonu partlayıb. Hadisə nəticəsində ikisi uşaq olmaqla 6 nəfər ölüb, 10-dan çoxu yaralanıb.

Binanın qismən uçduğu bildirilir. Dağıntılar altında insanların olduğu ehtimal edilir.