Bu gün səhərə yaxın İraqın paytaxtı Bağddadakı ABŞ səfiriliyi naməlum şəxslər tərəfindən minomyot atəşınə tutulub.
Mediainfo.az-ın verdiyi xəbərə görə, bu barədə Shafaaq nevvs portalının yaydığı məlumatda deyilir. Portalın yazdığına görə, minomyotdan atılan mərmilər ABŞ səfirliyinin ətrafında partlayıb. Səfirliyi mühafizə edənlərin cavab atəşindən sonra minomyot atəşi dayanıb.
Hadisə ABŞ prezidenti Donald Trampın İraqa səfərindən az sonra baş verib. Bağdada səfəri çərçivəsində əsgər və zabitlərlə görüşündə Tramp bildirib ki, İraq Suriyada terrorçularla mübarizədə ABŞ üçün əsas baza rolunu oynaya bilər. Öz növbəsində İraq rəsmiləri bildiriblərki, Trampın Bağdada səfərindən xəbərdar olublar, lakin Ağ Ev rəhbərinin yüksək səviyyəli dövlət rəsmiləri ilə görüşü öncədən nəzərdə tutulmayıb.
