“Barselona” futbol üzrə Çempionlar Liqasının 1/8 finalının cavab matçında “Çelsi”ni (3:0) qəbul edib.
“Report” xəbər verir ki, kataloniyalıların forvardı Lionel Messi matçın ilk dəqiqələrində dəqiq zərbə ilə komandasını hesabda irəli çıxardıb.
Argentinalı futbolçu start fitindən 2 dəqiqə 8 saniyə sonra fərqlənib. Bununla da o, “Barselona” və Argentina yığması ilə iştirak etdiyi bütün rəsmi görüşlərdə ən erkən qoluna imza atmış olub.
