Kambocalı aktrisa Denni Kvan həddən artıq seksual olmaqda ittiham olunub.

Publika.az xarici mətbuata istinadən xəbər verir ki, Kambocanın Mədəniyyət Nazirliyi aktrisanın çox seksual görüntüsü olduğunu əsas gətirərək onun filmlərdə çəkilməsinə qadağa qoyub.

Mədəniyyət və İncəsənət Nazirliyi 24 yaşlı aktrisanın əsasnaməylə bağlı qaydaları pozduğunu dilə gətirib. Sosial şəbəkədə 300 mindən çox abunəçisi olan Kvan ittihamları rədd edərək, digər aktrisaların rollarından fərqli və həddən artıq seksual obrazlar oynamadığını bildirib.

Kvan “Kambocada çoxsaylı qadın aktrisaların filmlərdə soyunur, öpüşür və erotik səhnələrdə yer alır. Mən öz mədəniyyətimi bilirəm və buna görə davranıram. Kiməsə narahatlıq vermək istəmirəm”, – deyə bildirib.

Qadın Haqları Təşkilatları isə Mədəniyyət Nazirliyini ayrı-seçkilik etməkdə günahlandırıb.