Ukrayna prezidenti Pyotr Poroşenko Ukrayna Konstitusiyasında Krımın statusu ilə bağlı dəyişiklikləri elan edib.
Publika.az “İnterfaks-Ukrayna” agentliyinə istinadən xəbər verir ki, dövlət başçısı Krım tatarlarının Ukraynanın tərkibində öz müqəddəratını təyin etmə – muxtariyyətinin yaradılması hüququnu tanıyıb.
“Bu dəyişikliklər tam ölçüdə suveren və müstəqil Ukrayna dövlətinin tərkibində Krım tatarlarının öz müqəddəratını təyin etmə hüququna əsaslanır”, – Poroşenko Ali Radada Konstitusiya Günü münasibəti ilə çıxışında deyib.
Poroşenko iyunun 3-də bildirmişdi ki, Krım tatarları yarımadanın qaytarılması uğrunda mübarizədə Kiyevə kömək edəcəklər. O, əlavə edib ki, Ukrayna hakimiyyəti daha əvvəllər Krım tatarlarından qorxurdu.
