Kerç şəhərində həyata keçirilən terror aktı nəticəsində həlak olan 20 nəfərdən 11-i yetkinlik yaşına çatmayanlardır.
Mediainfo.az-ın Rusiya mətbuatına istinadən verdiyi xəbərə görə, bu barədə mətbuata açıqlamasında Rusiya Səhiyyə naziri Veronika Skvortsova deyib. Skvortsova həlak olan 20 nəfərdən 5-nin kollecin əməkdaşları olduğunu söyləyib: “Terakt nəticəsində 20 nəfər öldürülüb. Onlardan onbeş nəfəri tələbə, beş nəfəri isə kollecin əməkdaşlarıdır”.
Baş verən faciə nəticəsində yaralanan 50 nəfərdən 10-nun vəziyyəti olduqca ağır hesab edilir. Faciə ilə bağlı Krımda 3 günlük matəm elan edilib.
