İsveçdə iki məscidə hücum edilib

İsveçin Sokholm şəhərindəki və Saffle qəsəbəsindəki məscidlərə hücum olub.

“Qafqazinfo” xarici KİV-ə istinadən xəbər verir ki, naməlum şəxslər Saffle məscidinin pəncərələrini qırıb və içəri partlayıcı maddə atıblar.

100 nəfərin ibadət etdiyi məscidə maddi ziyan dəyib.

Bu hücumdan biraz sonra isə radikal qruplaşma üzvləri Stokholm məscidinin giriş qapısına xaç işarəsi vurublar.

İsveç polisi hazırda hər iki faktla bağlı araşdırma aparır.