Ermənistan yetimxanalarında azərbaycanlı uşaqlar Azərbaycan və Türkiyəyə qarşı düşmənçiliklə böyüdülür.
Publika.az xəbər verir ki, bu iddia ilə Beynəlxalq Əsilsiz Erməni İddiaları ilə Mübarizə Dərnəyinin (ASİMDER) rəhbəri Göksel Gülbey çıxış edib.
Onun sözlərinə görə, işğalçı erməni rejiminin 1992-ci ildə əsir aldığı 2 min 700 azərbaycanlı qadını zorla evləndirdiyi və təcavüz edildiyi haqda məlumatlar dünya ictimaiyyəti qarşısında dəfələrlə səsləndirilib.
“Həmin azərbaycanlı əsir qadınlardan dünyaya gələn uşaqları yetimxanalarda Türkiyə və Azərbaycana qarşı düşmən kimi böyüdürlər. Daha sonra Ermənistan ordusuna daxil edərək, Azərbaycana qarşı döyüşdürürlər”, – deyə o bildirib.
