Məşhur amerikalı mühəndis Elon Mask ötən ay təqdim etdiyi“Tesla Roadster” adlı elektriklə işləyən avtomobilini Marsa göndərməyi planlaşdırır.
Mask avtomobili reklam məqsədilə və imicini gücləndirmək üçün Marsa göndərmək və sonsuza qədər orada döndürməyi planlaşdırır.
Qeyd edək ki, Maskın “SpaceX” şirkəti Marsda kaloniya qurmaq məqsədilə “Heavy Falcon” raketinin sınaq uçuşunu təşkil edəcək. Gələcəkdə də davam edəcək sınaqlar bir neçə il ərzində təşkil ediləcək və bundan sonra böyük raket və ağır yükləri Marsa doğru yola salmaq mümkün olacaq. Nəticədə kaloniya üçün lazımi materiallar, inşaat robotları Marsa təhlükəsiz şəkildə çata biləcək.
“Heavy Falcon”da yol ərzində dayanmadan Deyvid Bouinin“Space Oddity” mahnısı çalacaq. Raket yanvar ayında əfsanəvi “Apollo 11” uçuşusunun təşkil edildiyi “Cape Canaveral” bazasından havalanacaq. (qaynarinfo)
