Rusiyada keçirilən dünya çempionatı davam edir. Bu gün qrup mərhələsində daha 3 oyun baş tutacaq.
Günün açılış matçı G qrupu çərçivəsində olacaq. İlk görüşdə inamlı qələbə qazanan Belçika bu dəfə Tunisi sınağa çəkəcək. Avropalılar daha bir qalibiyyətlə 1/8 final mərhələsinə vəsiqəni böyük ölçüdə təmin edəcək. Ancaq tunislilər İngiltərə ilə matçda “asan yem” olmadıqlarını göstəriblər.
Ardından F qrupundakı komandalar meydana çıxacaq. Əvvəlcə Meksika ilə Cənubi Koreya üz-üzə gələcək. İlk turda Almaniyanı məğlub edən meksikalılar bu görüşün də favoritidi.
Günün son qarşılaşmasında isə Almaniya İsveç önünə çıxacaq. Daha bir məğlubiyyət son dünya çempionunun qrupda qalmasını rəsmiləşdirəcək.
Dünya çempionatı
Qrup mərhələsi, II tur
G qrupu
16:00. Belçika – Tunis
Baş hakim: Jair Marrufo (ABŞ)
Moskva. “Spartak” stadionu
Turnir cədvəli
| 1. | Belçika | 1 | 1 | 0 | 0 | 3-0 | 3 |
| 2. | İngiltərə | 1 | 1 | 0 | 0 | 2-1 | 3 |
| 3. | Tunis | 1 | 0 | 0 | 1 | 1-2 | 0 |
| 4. | Panama | 1 | 0 | 0 | 1 | 0-3 | 0 |
F qrupu
19:00. Cənubi Koreya – Meksika
Baş hakim: Milorad Maziç (Serbiya)
Rostov. “Rostov Arena”
22:00. Almaniya – İsveç
Baş hakim: Şimon Marçinyak (Polşa)
Soçi. “Fişt” stadionu
Turnir cədvəli
| 1. | İsveç | 1 | 1 | 0 | 0 | 1-0 | 3 |
| 2. | Meksika | 1 | 1 | 0 | 0 | 1-0 | 3 |
| 3. | Almaniya | 1 | 0 | 0 | 1 | 0-1 | 0 |
| 4. | Cənubi Koreya | 1 | 0 | 0 | 1 | 0-1 | 0 |
Apasport
