Dərman şirkətlərinin dövlətə qarşi pensillin təxribatı?
Dövlət tərəfindən dərman qiymətlərinin tənzimlənməsi il əlaqədar qəbul edilən qərar respublikamızda çox işlədilən bəzi dərmanların apteklərdən yoxa çıxmasına gətirib çıxazrıb. Belə ki, son 10-15 gündə Bakıda, eləcə də rayonlardakı apteklərdə pensillin və onun əvəzediciləri tapılmır. Bu sətirlərin müllifi dünən və bu gün Bakıda , eləcə də Xırdalan şəhərində demək olar bütün aptekləri gəzərək pensillin və ya onun əvəzedicilərini axtarib. Hər yerdə də eşitdiyi bu söz olub: Pensillin və onun əvəzediciləri yoxdur və olacağını da gözləməyin. Bunun səbəbini soruşanda isə ölkəmizə xaricdən dərman gətirilməsi ilə məşğul olan şirkətlərə pensillin və əvəzedicilərinin gətirilməsinin sərf edılməməsi cavabını aldım. Məlum oldu ki, pensillin və əvəz ediciləri ucuz qiymətə satildığından onun respublikamıza gətirilməsində dərman şirkətləri maraqlı deyillər. Yeri gəlmişkən onu da deyək ki, pensillin Azərbaycanda ən çox işlədilir. Yoxa çıxana kimi pensillinin bir ədədinin qiyməti apteklərdə 16-20 qəpikdən satılıb. Məsələyə aydınlıq gətirmək məqsədi ilə Səhiyyə nazirliyinin qaynar xəttinə- 9103-ə zəng etdik. Oradan isə bizə nazirliyin bu işlə məşğul olmadığını bildirərək 012 596 07 12 saylı telefona zəng etməyi məsləhət gördülər . 0125960712 saylı telefona zəngimizə cavab verən xanım məsələnin araşdırılacağını vəd etdi. Amma məsələ ilə bağlı qaranlıq məqamlar kifayət qədərdir. Əhali tərəfindən ən çox istifadə edilən pensillin və onun əvəzedicilərinin yoxa çıxmasında maraqlı olan qurumlar bununla nə etmək istəyirlər? Doğrudanmı onlar dərman qimətlərinin tənzimlənməsi ilə bağlı müvafiq qərar qüvvəyə minəndən sonra bunun əleyhinə çıxmalarını pensillin və onun əvəzedicilərinin respublikamıza gətirilməsini boykot etməklə cavab veriblər? Bizə elə gəlir ki, məsələnın təxribat olub- olmamasının araşdırılmasına ciddi ehtiyac duyulur. Əks halda onların bu hərəkətləri düşünülmüş şəkildə əhalini dövlətdən narazı salmaq cəhdləri kimi qəbul ediləcək…
Ayazxan Əfəndi
