Bu gün səhər saatlarında Sarı dənizdə Yonxındo adası yaxınlığında Cənubi Koreya bayrağı altında üzən balıqçı gəmisi tankerlə toqquşub. APA-nın “RİA Novosti” agentliyinə istinadən verdiyi məlumata görə, gəminin göyərtəsində 20 sərnişin və 2 heyət üzvü olub.
Yerli vaxtla səhər saat 06.12 radələrində baş verən hadisə zamanı ən azı 13 nəfər ölüb, 2 nəfər itkin düşüb. Toqquşma baş verən əraziyə 4 vertolyot və 14 gəmi göndərilib.
