Ötən gün Çilidə keçirilən etiraz aksiyaları zamanı baş verən toqquşmalarda 5 nəfər polis yaralanıb.
Arazinfo.com-un TASS-a istinadən verdiyi xəbərə görə, bu barədə yerli Bio-bio Chile radiostansiyası məlumat yayıb.
Etiraz aksiyalarına səbəb Çilinin yerlə xalqı olan Mapuçe qəbiləsinin fəalı Kamilo Katrilyankinin polis tərəfindən öldürülməsidir. Buna etiraz əlaməti olaraq etiraz aksiyası keçirən yüzlərlə çilili Katrilyankinin qatilinin cəzalandırılmasını tələb edib. Aksiya iştirakçıları ilə polis arasında baş verən toqquşmalarda isə 5 nəfər hüquq-mühafizə orqanı əməkdaşı yaralanıb.
Prokurorluq öz növbəsində aksiya iştirakçılarını sakitliyə dəvət edərək Kamilo Katrilyankinin qatili olan polisin sərt şəkildə cəzalandırılacağnı bildirib. Hadisəyə Çili prezidenti Sebastyan Pinyer də müdaxilə edib. O, Kamilo Katrilyankinin öldürülməsi ilə bağlı polis rəisi Ermes Sotonu istefaya göndərib.
