Müğənni-cazmen Cavan Zeynallının Azərbaycan dilini yaxşı bilməməsi qonaq olduğu verilişdə maraqlı anlara səbəb olub. Speys TV-də yayımlanan “Səhər-səhər Əkbərlə” verilişində yaşanan olay hazırda sosial şəbəkədə də gülüş hədəfinə çevrilib.
Arazinfo.com kult.az-a istinadən xəbər verir ki, bir neçə gün öncə aparıcı Əkbər Əlizadə müğənni Cavan Zeynallı ilə müalicəvi bitkilərdən danışaraq, ona zəncəfil barədə sual verib. Daha sonra isə rusdilli olması ilə seçilən müğənnidən “küncüt”ün nə olduğunu soruşub.
C.Zeynallının “küncüt – küncdə olmaq deməkdir” şəklində “izahı” isə aparıcının qəhqəhəsinə səbəb olub.
