Noyabrın 30-da ABŞ-ın Şimali Koreyaya qarşı sanksiyaların gücləndirilməsinə dair qətnaməsi BMT Təhlükəsizlik Şurasında səsverməyə çıxarılacaq.
APA-nın xəbərinə görə, bu barədə Reuters agentliyinə diplomatik mənbələr bildirib.
Sanksiyalar Şimali Koreyanın sentyabrda həyata keçirdiyi sayca beşinci nüvə sınağı ilə əlaqədar tətbiq edilir. Məlumata görə, veto hüququna malik olan ölkələr (Çin, Böyük Britaniya, Rusiya və Fransa) sanksiyaların gücləndirilməsinə dair qərarı dəstəkləyiblər. Qətnamə müəyyən malların ixracına məhdudiyyətləri nəzərdə tutur.
