“Huawei” şirkəti tərəfindən dünyada ekranı qatlanan ilk Huawei Mate X 5G Screen smartfonu satışa çıxarılıb. Yeni telefonun asanlıqla qatlanması və onda elm-texnikanın son nailiyyətlərindən istifadə edilməsi diqqəti cəlb edir.
Telefon əl ilə xəfif toxunuşla planşetə çevrilir. Genişlənmiş formada ekranın diaqonalı 8 düymə (1 düym 2.54 santimetrdir) çatır.
Yeni model telefon çox tez enerji yığır – yarım saata təxminən 85 faiz. Bundan əlavə, “Mate X” 5G-ni dəstəkləyəcək. Telefonun operativ yaddaşı (RAM) 8 GB, daxili yaddaşı isə 512 GB-dir.
Yeni smartfon dünya bazarında 3,199.99 ABŞ dollarına (5444 manat) satılır.
