Türkiyə müstəqil şəkildə, heç kimin yardımı olmadan Suriyada təhlükəsizlik zonası yarada bilər.
Arazinfo.com-un Türkiyə mətbuatına istinadən verdiyi xəbərə görə, bunu xarici işlər naziri Mövlud Çavuşoğlu A Haber telekanalının efirindəki çıxışında deyib. O eyni zamanda Türkiyənin bu məsələdə digər ölkələrlə əməkdaşlıq etməyə də hazır olduğunu bəyan edib: “Təhlükəsizlik zonasının yaradılması ideyası ilə Ərdoğan çıxış edib. Bu məsələdə ABŞ və digər ölkələr bizimlə əməkdaşlıq etmək istəsələr, biz buna hazırıq. Bütün hallarda biz müstəqil şəkildə təhlükəsizlik zonası yarada bilərik”.
Çavuşoğlu Suriyanın şimalında təhlükəsizlik zonasının yaradılması barədə bölgədə marağı olan dövlətlərlə danışıqlar aparıldığını, ancaq hələlik hər hansı nəticə əldə edilmədiyini bildirib.
