Rusiya prezidenti Vladimir Putinin yanvarın 17-də Serbiyaya nəzərdə tutulan səfəri zamanı onu Belqraddakı müqəddəs Savva məbədi meydanında 70 min adam qarşılayacaq.
Mediainfo.az-ın Veçerne novosti qəzetinə istinadən verdiyi məlumata görə, Serbiya vətənpərvər qüvvələri tərəfindən təşkil ediləcək geniş qarşılama mərasimi Vladımır Putinə təşəkkür edilməsi məqsədi daşıyır. Rəsmi səviyyədə də Putinin Serbiyada böyük təmtəraqla qarşılanması planlaşdırılıb. Belə ki, Putinin laynerini Serbiya ilə sərhəddə MiQ-29 eskadrilyası qarşılayacaq və Belqrad hava limanına kimi onu müşayiət edəcək. Putinin Serbiyaya səfəri zamanı iki ölkə arasında əməkdaşlığın müxtəlif sahələrinin inkişaf etdirilməsini nəzərdə tutan 20 anlaşmanın, o cümlədən nüvə mərkəzinin inşası barədə sənədin imzalanması planlaşdırılıb.
