Göygöl rayonunda 2 ayın gəlini evdən qaçıb. Onun harada olması barədə 8 gündür ki, heç bir məlumat yoxdur. Gəlinin ailəsi isə səbirsizliklə onun tapılacagı günü gözləyir.
“Xəzər TV” bildirir ki, hadisə rayonun Mollacəlilli kəndində baş verib. 20 yaşlı Asiya Ağakişiyevanın qayınatası deyib ki, gəlinini fen almaq üçün mağazaya aparıb, sonradan isə onun bir taksi ilə həmin yerdən uzaqlaşdıgını görüb.
Gəlinin qayınanası bildirib ki, Asiya oğlu Royal Bayramovla öz istəyi ilə ailə qurub. Evi tərk edənə qədər münasibətlərində heç bir problem olmayıb.
Elə qızın valideyinləri də məsələnin hansı səbəbdən baş verdiyini bilmirlər.
Ailə itən gəlin üçün çox böyük narahatçılıq keçirir. Qayınatası hətta onun tapılmasına kömək edəcək şəxsə mükafat da vəd edib.
Onu da qeyd edək ki, məsələ ilə baglı Göygöl rayonunun hüquq-mühafizə orqanlarına müraciət edilib, araşdırma aparılır.
