Donald Trump mətbuat konfransı keçirərkən, Nyu York,11 yanvar 2017
Səkkiz amerikalı konqressmen ABŞ-ın yeni seçilmiş prezidenti Donald Trump-ın andiçmə mərasimini boykot edəcək. Onların bəziləri hesab edir ki, onun qələbəsinə Rusiya yardım edib.
Yanvarın 15-də efirə gedəcək NBC telekanalına müsahibəsində insan hüquqları hərəkatının veteranı, demokrat Con Lyus bildirib ki, o, Trump-ı qanuni seçilmiş prezident saymır.
Digər konqresmenlər andiçmə mərasiminə qatılmama səbəbini Trump-ın qadınlar, sosial azlıqlar və əcnəbilərlə bağlı “hörmətsiz” danışmaqla izah ediblər.
İnaqurasiya mərasimi yanvarın 20-də keçiriləcək.
