İnsan hüquqları müdafiəçisi Oqtay Gülalıyev özünün sosial şəbəkədəki səhifəsində Bakı Ağır Cinayətlər Məhkəməsinin hakimi Ənvər Seyidovun MTN-nin sabiq rəhbəri Eldar Mahmudova yazdığı məktubu paylaşıb. Gununsesi.info-nun xəbərinə görə, məktubda MTN tərəfindən qanunsuz həbs olunan bir qrup məhkumun məhkəmə prosesinə sədrlik edən hakim Ənvər Seyidov təqsirləndirilən şəxslərə bağlı qapılar arxasında 10- 14 il həbs cəzası verəndən sonra nazir Eldar Mahmudovdan dinc günahsız insanları şərləyib həbs etdiyinə, onlara böhtan atıb, ağır işgəncəyə məruz qoyduğuna görə MTN- nin Anti- Terror Mərkəzinin bir qrup əməkdaşının vicdanlı və ləyaqətli hərəkətlərinə görə (!?) mükafatlandırılmasını xahiş edib.
Məktubda adları keçən insanların böyük əksəriyyəti isə Eldar Mahmudovun cinayətkar dəstəsinin üzvləri olub. Belə ki, MTN dağılandan sonra həmin şəxslərin əksəriyyəti həbsə girib. Ənvər Seyidovun təriflədiri Anti-Terror Mərkəzinin rəisi Elçin Quliyev və onun müavini İlqar Əliyev də həbs edilib. Sonradan İlqar Əliyevin kamerasında asılı meyiti tapılıb.
